नवलपरासी,१७ असोज ।
नवलपरासी जिल्लाको विनयी त्रिवेणी गाउँपालिका–२ स्थित एस मोडमा बस दुर्घटना हुँदा ६ जनाको मृत्यु भएको छ । नेपालगञ्जबाट काठमाडौं जाँदै गरेको प्रदेश ३–०१–००६ ख १५५३ नम्बरको बस दुर्घटना भएको प्रहरीले जनाएको छ ।
मृत्यु हुनेमध्ये जाजरकोटका भेरी नगरपालिका–३ का ५० वर्षीय निर्जुङ खत्रीको पहिचान खुलेको र बाँकी पाँचजनाको नभएको प्रहरीले जनाएको छ । दुर्घटनामा अन्य १० जना घाइते भएका छन् । घाईतेहरुको उपचार भईरहेको प्रहरीले जनाएको छ ।
