सुनको मूल्यमा ऐतिहासिक वृद्धि

काठमाडौँ,१५ माघ । नेपाली बजारमा सुनचाँदीको मूल्यले नँया रेकर्ड बनाएको छ । बिहीबार एकैदिन सुनको मूल्य तोलामै २० हजार ५ सय रुपैयाँले वढेपछि सुनचाँदीको मूल्यले नँयाँ रेकर्ड बनाएको हो

नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला ३ लाख ३९ हजार ३ सय रुपैयाँ कायम भएको छ । अघिल्लो दिन बुधबार भने सुन प्रतितोला ३ लाख १८ हजार ८ सय रुपैयाँमा कारोबार भएको थियो । सुनसँगै चाँदीको मूल्य पनि बढेको छ। बिहीबार चाँदी प्रतितोला २ सय ५ रुपैयाँले वृद्धि भई ७ हजार ५ सय ५ रुपैयाँ पुगेको महासंघले जनाएको छ ।