काठमाडौं,२७ असार ।
काठमाडौंको बुद्धनगरमा एक ४५ वर्षीय पुरुषले आत्मदाहको प्रयास गरेका छन् । काठमाडौंको बुद्धनगरका आश्विन राउतले शनिबार बिहान आफ्नौ शरीरमा आगो लगाएर आत्मदाहको प्रयास गरेको काठमाडौं प्रहरीका प्रवक्ता पवन भट्टराईले बताए ।
चिकित्सकका अनुसार राउतको शरीर ५० प्रतिशत जलेको प्रहरी प्रवक्ता भट्टराईले बताए । राउत श्रीमती र छोरासहित बुद्धनगरमा बस्दै आएका थिए । घटनाका बेला उनका श्रीमती र छोरा घरमा नरहेको पाइएको भट्टराईले बताए । उनले आत्मदाहको प्रयासको कारण भने नखुलेको जानकारी दिए ।उनको अहिले वीर अस्पतालमा उपचार भईरहेको छ ।
