काठमाडौं, २२ साउन ।
रुपन्देही जिल्लाको रोहिणी गाउँपालिका अन्तर्गत साविक बोधवार र पर्सा गाउँ विकास समिति क्षेत्रमा एकसरो नापी भएको करिब ५८ वर्षपछि स्थानीयले जग्गाधनी दर्ता प्रमाणपुर्जा (लालपुर्जा) प्राप्त गरेका छन् ।
लामो समयदेखि लालपुर्जाविहीन अवस्थामा रहेका २७१ जग्गाधनीलाई आज लालपुर्जा वितरण गरिएको हो । २०२५ सालमा गाउँब्लकका रूपमा छुट्याइएको उक्त क्षेत्रमा कुल ३२४ वटा दर्ता कायम भएकोमा २७१ वटा लालपुर्जा वितरण भएको छ ।
लालपुर्जा प्राप्त भएसँगै जग्गाको स्वामित्व कानुनी रूपमा सुनिश्चित हुनुका साथै किनबेच, बैंकिङ कारोबार तथा अन्य प्रशासनिक सेवा लिनसमेत सहज हुने अपेक्षा गरिएको छ । लामो प्रतीक्षापछि आफ्नो नाममा लालपुर्जा प्राप्त गरेकोमा स्थानयले खुसी व्यक्त गरेका छन् ।
What’s your Reaction?
+1
+1
+1
+1
+1
+1
 प्राप्त गरेका छन् ।){kind=link}