बाजुरा, १९ साउन ।
विषालु जंगली च्याउ खाँदा बाजुरामा एक जनाको मृत्यु भएको छ भने एक जना बिरामी परेका छन् । बडिमालिका नगरपालिका–७ धम्कनेका ५१ वर्षीय रामे थापा र उनकी करिब ५० वर्षीया श्रीमती नाम्सरी थापाले विषालु जंगली च्याउ खाएपछि बिरामी परेका थिए । बिरामी दुवैलाई उपचारका लागि राति १०ः२० बजे जिल्ला अस्पताल मार्तडी पु¥याइएको थियो ।
अस्पतालमा चिकित्सकले परीक्षण गर्ने क्रममा रामे थापालाई राति १०ः४० बजे मृत घोषणा गरेका हुन् । गम्भीर बिरामी रहेकी नाम्सरी थापाको जिल्ला अस्पताल मार्तडीमै उपचार भइरहेको प्रहरीले जनाएको छ । स्थानीयवासीलाई जंगली च्याउको पहिचान र विषालुपनबारे पर्याप्त जानकारी नभई सेवन नगर्न चिकित्सक तथा स्वास्थ्यकर्मीले आग्रह गरेका छन् ।
What’s your Reaction?
+1
+1
+1
+1
+1
+1
