बुटवल,१२ असार ।
बुटवलमा मेट्रो आई केयर लुम्बिनी सञ्चालनमा आएको छ । आधुनिक प्रविधिबाट आँखा सम्बन्धी सम्पूर्ण उपचार प्रदान गर्ने गरी बुटवल –८ सुख्खानगरमा सञ्चालनमा आएको हो । अस्पतालमा फेको सेन्टर सञ्चालन गरी बिना इन्जेक्सन आँखाको उपचार प्रदान सुरु गरेको छ ।
अस्पतालले बालबालिकाको आँखाको सबै उपचार सेवा, जलविन्दु, मोतियाबिन्दू, रेटिना क्लिनिकसहित विभिन्न युनिटमा आइ केयरले सेवा प्रदान गर्ने जनाएको छ । अस्पताल सञ्चालनमा आएपछि उपचारका लागि अब काठमाडौं र भैरहवासम्म जानुपर्ने बाध्यता अन्त्य भएको आइ केयरका दृष्टी विशेषज्ञ अमित केसीले बताए ।
लामो समयदेखि दृष्टी सम्बन्धी सेवामा कार्यरत अस्पतालका दृष्टी विशेषज्ञ प्रभात जिसीले अस्पताल सेवाको भावले सञ्चालनमा गरिएको बताए ।आँखाको पर्दा सम्बन्धी सबै उपचारको प्याकेज सहित मधुमेह र उच्च रक्तचापका कारण आँखा सम्बन्धी दृष्टीमा समस्या आएका विरामीको पनि उपचार हुने बताईएको छ ।
३० लाख लगानीबाट सुरु गरिएको अस्पतालमा १ करोड ३० लाख रुपैया लगानी पुगेको छ । अस्पतालमा ५ जना विशेषज्ञ टिम रहेको छ । अस्पतालले सुगर र प्रेसरबाट जोगिएर आँखाको दृष्टी जोगाउ भन्ने उद्देश्यसहित यहीँ असार १४ गतेदेखि १९ गतेसम्म निःशुल्क सुगरको चेकजाँच अस्पतालले जनाएको छ ।
भिडियो रिर्पोट
