काठमाडौ ।
काठमाडौं उपत्यकाको नगरकोट जाने बाटोमा दुई जना भ्लगरमाथि कुटपिट गर्ने व्यक्ति पक्राउ परेका छन् । काठमाडौं उपत्यका अपराध अनुसन्धान कार्यालयबाट खटिएको टोलीले घटनामा संलग्न व्यक्तिलाई पक्राउ गरेको हो ।
प्रहरीका अनुसार पक्राउ पर्नेमा भक्तपुरको चाँगुनारायण नगरपालिका–६, नगरकोटका ४१ वर्षीय गणेशबहादुर तामाङ रहेका छन् । केही दिनअघि नगरकोट जाने बाटोमै तामाङले दुई युवकहरूमाथि कुटपिट गरेका थिए ।
उक्त कुटपिटको भिडियो सामाजिक सञ्जालमा भाइरल भएपछि प्रहरीले खोजी तीव्र पारेको थियो । घटनाबारे थप अनुसन्धान भइरहेको प्रहरीले जनाएको छ ।
