बढ्यो सुनचाँदीको भाउ, कतिमा हुँदैछ कारोबार

काठमाडौं, १४ वैशाख । नेपाली बजारमा आज (सोमबार) सुनको भाउ बढेर तीन लाख पाँच सय रूपैयाँमा किनबेच भइरहेको छ । नेपाल सुनचाँदी व्यवसायी महासंघका अनुसार आइतबार तोलामा दुई हजार सात सय रूपैयाँ बढेको सुनको भाउ आज भने प्रतितोला एक हजार तीन सय रूपैयाँ बढेको हो ।

यस्तै, सोमबार चाँदीको मूल्य पनि बढेको छ । आइतबार प्रतितोला चार हजार नौ सय ९५ रूपैयाँमा कारोबार भएको चाँदी आज तोलामा पाँच हजार ४५ रूपैयाँमा किनबेच भइरहेको छ ।यो मूल्य अघिल्लो दिनको तुलनामा प्रतितोला ५० रूपैयाँ बढेको हो । अन्तर्राष्ट्रिय बजारमा आज सुन प्रतिऔंस चार हजार सात सय २२ अमेरिकी डलरमा कारोबार भइरहेको छ।